Prophetia Jeremiae*
Caput 51: Versus 17
Stultus factus est.Bene post subversionem Babylonis reprehendit fabricatores idolorum, quia per stultitiam humanae mentis facta sunt opera vana et risu digna: quia nec spiritus in eis, nec vox, nec ulla efficacia: unde nec se, nec cultores suos in die visitationis liberare possunt.Confusus est.[RAB.]Demonstrata subversione Babylonis, redit propheta ad auctorem tanti judicii: quia non est potestas nisi a Deo, qui dominatur in regno hominum, et cui voluerit dabit illud.